文迪．愛旅遊

10月3日 - Janette & Victor 的婚禮 。一個感動人的日子 ( 特別是眼淺的小妹我，感動得哭了一整天...... ) 參與婚禮的每一個人，想信都能感受到那份動人的幸福！



多謝 Sharon，Anna，Norma 的幫忙，起初還有些擔心和一班"大姐姐"相處會有d悶，但原來大家都好鬼好人，又好玩得，仲識得自設 Nuts Bar ，可憐 Anna 要看檔，沒有時間享受........希望將來有機會再一起玩~~~


多謝伴郎及兄弟的幫手，幸好有你哋，姐夫才不致於上報紙頭板 "撇下太太狂飲，新婚夜新郎醉x"...........感激感激......

藍袋人，我好俾面你嫁，所以你先可以出現係我個 blog ...... 姐姐請放心，我不會因她而不開心。我發夢我狂塞d恐怖食物入佢口，食死佢.....哈哈哈哈!!!!!!!

既然姐夫你明白到姐姐的"活潑" 和 "好動"，辛苦你了~ 還有你若想擺脫我這個麻煩小妹，你要努力幫手呢~~

感謝姐姐要姐夫在台上提及我，令我不斷俾Johnny影到我哭的樣子。明明之前話等我影d靚相用嚟識番個男朋友，宜家得返個豬頭樣.............真係多謝哂wor..........

見證了姐姐同姐夫這麼多年的相處，一路以來有笑有淚，將來也許會有更多考驗，希望你們能捉緊幸福，結伴創將來，有浪有風，不捨不棄